1391
Կոլեուսը սենյակներում աճեցնում են նրա բացառիկ բազմագույն տերևների համար: Արևոտ պատուհանում աճեցնելու դեպքում կոլեուսի տերևների գունազարդումը ուժեղանում է: Միևնույն տերևը կարող է ունենալ թե' կարմիր, թե' դեղին, թե' սպիտակ, թե' ծիրանագույն երանգներ: Կոլեուսը պահանջում է թեթև սննդարար հող, ինտենսիվ ջրում և սնուցում: Դժբախտաբար, այդ նուրբ բույսը հաճախակի ենթարկվում է բուսոջիլի հարձակմանը:
Կոլեուսը բազմացնում են կտրոններով, որոնք արագ կերպով արմատակալում. են: Ավելի փարթամ, թփաշատ բույս ստանալու համար, մատղաշ բույսերի կատարները կտրում են:
