Անհրաժեշտ է
- 1,5 կգ մանր դդմիկ
- 500-600 գր աղացած միս
- 1 գլուխ սոխ, բուսայուղ
- 100 գր բոված ընկույզ
Համեմունքներ
- 1թ. գ աղացած հոտավետ պղպեղ
- մի պտղունց մշկընկույզ
- մի պտղունց հիլ
- մի պտղունց չաման
- աղ՝ ըստ ճաշակի
Սոուսի համար
- 1 լ կեֆիր, 250 մլ ջուր
- 1 ճ.գ եգիպտացորենի օսլա
- 1 ձվի սպիտակուց
- չորացրած դաղձ, աղ` ըստ ճաշակի
Պատրաստումը
Դդմիկները լվանալ, ջրքամել, միջուկը դանակով զգուշորեն հանել, դդմիկները 30 րոպե դնել աղաջրի մեջ: Սոխը մաքրել, լվանալ, մանրը կտրատել, տապակել բուսայուղով, խառնել մսին, ավելացնել, մանրացրած ընկույզը, համեմունքները, լավ խառնել: Ստացված խառնուրդով լցոնել դդմիկները, երկու կողմից թեթևակի տապակել բուսայուղով, հանել, շարել անձեռոցիկի վրա:
Սոուսը պատրաստելու համար կեֆիրին խադռնել ջրով բացած օսլան, լավ հարել, ավելացնել սպիտակուցը, լավ հարել, խառնելով եփել մարմանդ կրակի վրա, համեմել աղով: Դդմիկները շարել տապակի մեջ, վրան լցնել սոուսը ն եփել 200-220 C տաքացրած ջեռոցում 30-40 րոպե: Մատուցելիս վրան շաղ տալ մանրացրած դաղձ: