Դափնեվարդը (օլեանդը) գեղեցիկ ծաղկող, մշտադալար դեղաբույս է: Ծաղիկները բազմաթերթ են և պարզ, լինում են կարմիր, դեղին, վարդագույն, սպիտակ գույների: Ծաղկում է առատորեն և տևական, գարնանից մինչև ուշ աշուն: Ծաղիկները առաջանում են միմիայն ճյուղերի վրա: Ծաղկելուց հետո ճյուղերը կիսով չափ կտրում են:
Դափնեվարդը լուսասեր բույս է: Ամռանը այն դնում են արևոտ, հյուսիսային քամիներից պաշտպանված տեղում, իսկ ձմռանը' արևակողմ պատուհանների գոգերի վրա: Սնուցում են միայն ամռան ընթացքում: Մատղաշ բույսերը վերատնկում են ամեն տարի, իսկ հասակավոր բույսերը' 2 – 3 տարին մեկ: