Անհրաժեշտ է
- Կես պճեղ սխտոր
- 1 մեծ քաղցր կանաչ պղպեղ
- 2 մսեղ լոլիկ
- 1 մեծ գլուխ սոխ
- Կես վարունգ
- 2 ճաշի գդալ կիտրոնի հյութ
- Կես թեյի գդալ շաքարավազ
- Քառորդ թեյի գդալ աղ
- 4 ճաշի գդալ ձեթ
- 150 գ բրինզա (ոչխարի պանիր)
- 50 գ սև զեյթուն
- 1 փունջ ռեհան
- Մի պտղունց օրեգանո
Պատրաստման եղանակը
Սխտորի մաքրած պճեղով շփել աղցանամանը: Քաղցր պղպեղը կես անել, մաքրել կտերից և կոթից, ապա լվանալուց ու չորացնելուց հետո կտրատել կիսաշրջանների:Մաքրել գլուխ սոխը և օղակաձև կտրատել: Վարունգը վերածել մանր խորանարդիկների: Լոլիկները նույնպես մանր կտորների բաժանել:Կիտրոնի հյութը խառնել նախ աղի ու շաքարավազի, ապա նաև ձեթի հետ:Մեծ աղցանամանի մեջ խառնել կտրատած քաղցր պղպեղը, գլուխ սոխը, լոլիկն ու վարունգը, ավելացնել կիտրոնի հյութի սոուսը, լավ խառնել:Բրինզան նույնպես մանրացնել խորանարդիկների, խառնել զեյթունի և օրեգանոյի հետ, ավելացնել աղցանի վրա:Ստացված աղցանը ծածկել կափարիչով և 20 րոպեով թողնել ներծծվելու' սենյակային ջերմության պայմաններում:Ռեհանը լվանալ, թափ տալ վրայից ջուրը, հեռացնել կոշտ ցողունները, տերևները կտրատել ժապավենների: Ռեհանի կտորտանքը շաղ տալ աղցանի վրա մատուցելուց առաջ։
Օրեգանոն Միջերկրական ծովի ավազանի առավել տարածված համեմունքներից է, հիմնականում հատուկ է իտալական և հունական խոհանոցներին: Օրեգանոն սուսամբարի (մայորան) տարատեսակ է, ավելի կծու և դառը, քան սուսամբարը: Կարող է հանգիստ փոխարինվել սուսամբարով: