Դեղձի մուրաբա կարելի է պատրաստել նրա բոլոր տեսակներից և մի քանի եղանակով:
Տարբերակ 1
Պահանջվում է
- 1 կգ դեղձին
- 1 կգ շաքարավազ
- 4 գ կիտրոնի աղ
Ընտրել հասած, չվնասված պտուղներ, կեղևել, կտրտել' բաժանելով 6-8 մասի, կորիզները հեռացնել: Անհրաժեշտ շաքարավազը լցնել շերտերով և թողնել 6-8 ժամ: Միրգը խմում է շաքարավազը, հյութ է առաջանում: Կարելի է այդ պահին եփել, եթե հյութը բավարար է, ավելացնել 10 գ կիտրոնի աղ:
Տարբերակ 2
Պահանջվում է
- 1 կգ դեղձին
- 1,2 կգ շաքարավազ
- 4 գ կիտրոնի աղ
- Կարելի է ավելացնել վանիլին
Ընտրել առողջ պտուղներ, կեղևը մաքրել, բաժանել մասերի, դասավորել թասի մեջ: Շաքարաջուրը եփել, լցնել դեղձի վրա և մեկ օր թողնել զով տեղում: Հաջորդ օրը շաքարաջուրը լցնել այլ ամանի մեջ, նորից եռացնել ու լցնել դեղձի վրա: Եփել թույլ կրակի վրա, մինչև պատրաստ լինելը:
Խորհուրդ
Որպեսզի մաքրած դեղձը չսևանա, մաքրելուց հետո լցրեք սառը ջրի մեջ: