Անհրաժեշտ է
- 2,5 կգ սալոր
- 1 կգ շաքարավազ
- 10 գ կիտրոնի աղ
- Ջուրը' հնարավորինս քիչ
Ընտրել որակյալ սալորները, նախապես պատրաստել օշարակը: Սալորներն առանց բացելու և կորիզահան անելու լցնել օշարակի մեջ: Հենց սկսի թոռոմել կամ արտաքին թաղանթը պատռվել, հանել, շարել ցանցի վրա և չորացնել:
Որակյալ չիր պատրաստելու համար անհրաժեշտ է շաքարավազը քիչ-քիչ լցնել օշարակի մեջ,
Ի տարբերություն այլ մրգերի' սալորը լավ է չորանում ցանցի վրա. հարկավոր է հաճախակի շուռումուռ տալ, որ հավասարաչափ չորանա: Սալորաչիրը հարմար է պահել թղթե արկղերի մեջ, տակը և պետք է յուղաթուղթ փռել: Պահել զով տեղում: Օգտագործելուց առաջ կարելի է շատ քիչ ջրով օշարակ պատրաստել, սալորները լցնել մեջը, բերանն ամուր փակել և դնել շատ թույլ կրակին: Ընդհանրապես կորիզները հանած սալորաչիրը համով է և գեղեցիկ: