858
Հագուստի տեսակները և առհասարակ տեքստիլը տարբեր են լինում` կախված թելի կառուցվածքից, գունավորումից և արտադրման տեխնոլոգիայից: Արտադրող կազմակերպություններն այդ մասին տեղեկացնում են սպառողին հատուկ պիտակավորման միջոցով: Ուստի շատ կաևոր է հագուստը գնելուց ուշադիր լինել այդ պիտակավորման և խնամքի հատուկ նշաններին, քանի որ հենց դրա վրա է հստակ նշված, թե ինչպես խնամել տվյալ հագուստը:
- Պահարանում պահեք միայն մաքուր հագուստ, քանի որ մեկ անգամ կրած և կախված իրը միջատների կողմից վնասվելու մեծ հավանականություն ունի:
- Կանոնավոր կերպով օդափոխեք պահարանը և մաքրեք փոշին:
- Ծանր գործվածքները նախընտրելի է չկախել կախիչից, որպեսզի չլայնանան:
- Սպիտակ բամբակյա իրերը կարելի է լվանալ բարձր ջերմաստիճանով, իսկ գունավորները միայն 30-40 աստիճանի տակ:
- Լվանալուց առաջ բամբակյա իրերը պետք է շրջել հակառակ կողմով:
- Բնական մետաքսը պետք է լվանալ միայն ձեռքով, գոլ, բայց ոչ տաք ջրի մեջ:
- Մետաքսյա իրերը քամել չի կարելի:
- Բնական մորթյա իրերը ցանկալի չէ լվանալ տան պայմաններում՝ մեծ է վնասելու հավանականությունը:
- Յուրաքանչյուր լվացքից առաջ ճիշտ կլինի դասավորել հագուստը ըստ գույների և թելային կառուցվածքի:
- Բարձրորակ լվացող միջոցների օգտագործումը խիստ կարևոր է:
- Հագուստի վրայի շղթան պետք է փակել, նոր գցել լվացքի մեքենա, որպեսզի հարակից հագուստը չվնասվի:
- Ժանյակով ներքնազգեստը, լողազգեստը և կրծկալները ճիշտ կլինի լվանալ հատուկ պարկի մեջ գցելուց հետո:
- Անմիջապես մի փակեք լվացքի մեքենայի դուռը լվացքից հետո, թողեք այն չորանա և օդափոխվի:
